Տղաները գիտակցում են, թե ուր ու ինչի համար են գնում․ Ռուբեն Նազարեթյան (տեսանյութ)
Ֆուտզալի Հայաստանի ազգային հավաքականը, որը պատրաստվում է ԵՎՐՈ 2026-ի եզրափակիչ փուլին, անցկացրել է բաց մարզում, որի ընթացքում ազգային ընտրանու գլխավոր մարզիչ Ռուբեն Նազարեթյանն ու թիմի ֆուտզալիստները զրուցել են ԶԼՄ-ների ներկայացուցիչների հետ։
«Մեր նվազագույն խնդիրը Եվրոպայի առաջնություններում մեր առաջին հաղթանակն է։ Առավելագույն խնդիրը խմբից դուրս գալն ու հնարավորինս առաջ գնալն է։ Պատրաստվում ենք որպես ուժեղագույն հավաքական։ Հոգեբանական խնդիրը թույլերի մոտ է։ Մեր հավաքականը բնավ թույլ չէ։ Պատրաստվում ենք շատ լավ, թիմի մարտական ոգին բարձր է։ Կորուստներ ունենք, բայց այն կազմը, որը գնալու է Եվրոպայի առաջնությանը ինձ լրիվ գոհացնում է։ Մեր մոտ չի կարող «աստղայինը տանել», դա բացառվում է։ Մեր մոտ լավագույն թիմ է, ոչ թե լավագույն աստղ։ Տղաները գիտակցում են, թե ուր են գնում ու ինչի համար»,-նշել է Նազարեթյանը։
Մանրամասն տեսանյութում․
Հիշեցնենք, որ ԵՎՐՈ 2026-ի եզրափակիչ փուլը կկայանա հունվարի 21-ից փետրվարի 7-ը։ Հայաստանն ընդգրկված է B խմբում՝ մրցակիցներն են Չեխիայի, Ուկրաինայի ու Լիտվայի հավաքականները։
