Արարատ-Արմենիան մեկ օրում երկու խաղ է անցկացրել Կիպրոսում

Կիպրոսում ուսումնամարզական հավաք անցկացնող Հայաստանի գործող գավաթակիր «Արարատ-Արմենիան» հունվարի 28-ին երկու ընկերական հանդիպում է անցկացրել: Երկու խաղերն էլ ավարտվել են ոչ-ոքի։

Առաջին խաղում Վարդան Մինասյանի գլխավորած թիմը 1։1 հաշվով է ավարտվել «Սպարտակոս Կիտոյի» հետ դիմակայությունը։ Երևանյան թիմի գոլը խփել է գանացի հարձակվող Էրիկ Օկանսին։

Երկրորդ խաղում հայկական թիմը մրցել է  «Ախիրոնաս Օնիսիլոսի» հետ։ Խաղն ավարտվել է 3:3 հաշվով: Հայկական ակումբի կազմում գոլերով աչքի են ընկել Ժիրայր Շաղոյանը, Ջոնաթան Դուարտեն և Ալեկսանդր Պավլովեցը։

Ֆաստեքս Հայաստանի Պրեմիեր լիգայի գարնանային հատվածից առաջ «Արարատ-Արմենիան» 35 միավորով 4-րդն է ու 5 միավոր է զիջում մեկ խաղ պակաս անցկացրած առաջատար «Նոային»։