Խաչանովը դուրս է եկել Australian Open-ի 3-րդ շրջան. նա կրկնել է Ֆեդերերի պատմական ցուցանիշը

Աշխարհի 18-րդ ռակետ, հայազգի թենիսիստ Կարեն Խաչանովը ութերորդ անգամ անընդմեջ դուրս է եկել Ավստրալիայի բաց առաջնության երրորդ փուլ։

Առաջնության երկրորդ փուլում նա համոզիչ հաղթանակ է տարել ամերիկացի Նիշեշ Բասավարեդդիի նկատմամբ՝ 6-1, 6-4, 6-3 հաշվով։

Կարեն Խաչանովը դարձել է առաջին թենիսիստը, որը Մեծ սաղավարտի 20-ակի չեմպիոն և լեգենդար շվեյցարացի Ռոջեր Ֆեդերերից հետո դուրս է եկել Ավստրալիայի բաց առաջնության երրորդ շրջան առնվազն ութ անընդմեջ մրցաշրջանում։ Ֆեդերերն այս նվաճմանը հասել է 21 անգամ անընդմեջ 2000-ից 2020 թվականների միջև ընկած ժամանակահատվածում։

Ավստրալիայի բաց առաջնության երրորդ փուլում Կարեն Խաչանովը կմրցի աշխարհի 25-րդ ռակետ իտալացի Լուչիանո Դարդերիի հետ։