Խաչանովն ավարտեց ելույթներն Ավստրալիայի բաց առաջնությունում (տեսանյութ)

Թենիսի Ավստրալիայի բաց առաջնության 1/16 եզրափակիչում Ռուսաստանը ներկայացնող հայ թենիսիստ Կարեն Խաչանովը մրցում էր իտալացի, աշխարհի 25-րդ ռակետ Լուչիանո Դարդերիի հետ ու զիջեց 1։3 (6։7, 6։3, 3։6, 4։6) հաշվով։

Հանդիպումը տևեց 3 ժամ 23 րոպե։

1/8 եզրափակիչում Դարդերիի մրցակիցը կլինի Յանիկ Սիները։

Հիշեցնենք, որ առաջնության երկրորդ փուլում Խաչանովը համոզիչ հաղթանակ էր տարել ամերիկացի Նիշեշ Բասավարեդդիի նկատմամբ՝ 6-1, 6-4, 6-3 հաշվով՝ դառնալով առաջին թենիսիստը, որը Մեծ սաղավարտի 20-ակի չեմպիոն և լեգենդար շվեյցարացի Ռոջեր Ֆեդերերից հետո դուրս էր եկել Ավստրալիայի բաց առաջնության երրորդ շրջան առնվազն ութ անընդմեջ մրցաշրջանում։ Ֆեդերերն այս նվաճմանը հասել էր 21 անգամ անընդմեջ 2000-ից 2020 թվականների միջև ընկած ժամանակահատվածում։

Առաջնության 1-ին փուլում աշխարհի 18-րդ ռակետը 3։2 հաշվով հաղթել էր ԱՄՆ-ն ներկայացնող Ալեքս Միշելսենին։