Մենք մեկ ընտանիք ենք ու հենց այդ պատճառով է ստացվում գրանցել նման արդյունքներ․ Վլադիմիր Սանոսյան

Ֆուտզալի Եվրոպայի առաջնության Հայաստան-Չեխիա (5։4) խաղից հետո Հայաստանի ազգային հավաքականի ավագ Վլադիմիր Սանոսյանը խոսել է հանդիպման մասին՝

«Սա պատմական հաղթանակ է։ Հանդիպումը շատ բարդ էր, բայց լավ է, որ մենք թևաթափ չեղանք՝ հավաքվեցինք ու կարողացանք հաղթել։ Թիմում հիանալի մթնոլորտ է, մենք երկար ենք պատրաստվել ու աշխատել այս ամենի համար։ Մենք մեկ ընտանիք ենք ու հենց այդ պատճառով է ստացվում գրանցել նման արդյունքներ։ Ո՞րն է մեր թիմի սահմանագիծը։ Մեր թիմը չունի այդ։ Մենք կշարունակենք զարմացնել ֆուտզալի երկրպագուներին ու մեր երկրին»,-նշել է Սանոսյանը։

Հիշեցնենք, որ չեխերի դեմ տոնած հաղթանակից հետո Հայաստանի հավաքականն ապահովել է խմբում 1-ին հորիզոնականն ու մասնակցությունը քառորդ եզրափակիչին։ 1-ին տուրում Նազարեթյանի գլխավորած ընտրանին հաղթել էր Ուկրաինային՝ 2։1 հաշվով։
 
3-րդ տուրի Լիտվա-Հայաստան հանդիպումը կկայան հունվարի 28-ին և կմեկնարկի 22։30-ին։