Փյունիկը ոչ-ոքի խաղաց Լատվիայի չեմպիոնի հետ

ԱՄԷ-ում ուսումնամարզական հավաք անցկացնող «Փյունիկն» օրվա 1-ին ստուգողական խաղում ուժերը չափեց Լատվիայի չեմպիոն «Ռիգայի» հետ։ Գրանցվեց ոչ-ոքի՝ 1։1 արդյունքը։ Երևանյան ակումբի միակ գոլը հեղինակեց թիմի նորեկ Մոմո Յանսանեն։

19։00-ին կմեկնարկի «Փյունիկի» 2-րդ հանդիպումը, որտեղ Արտակ Օսեյանի գլխավորած թիմը կմրցի ԱՄԷ-ի Առաջին դիվիզիոնում հանդես եկող «Ալ Իթիֆակի» հետ։

Հավաքի 1-ին խաղում Արտակ Օսեյանի գլխավորած թիմը մրցել էր ԱՄԷ-ի երրորդ դիվիզիոնը ներկայացնող «Յունայթեդ Սպորտի» հետ ու հաղթել էր 5։0 հաշվով, 2-րդ խաղում, ունենալով 2 գնդակի առավելություն, «փյունիկցիները» 2։3 հաշվով զիջել էին ռուսական «Ուրալին»։

Հայտնի է նաև, որ Հայաստանի 16-ակի չեմպիոնը հավաքի շրջանակում կմրցի նաև Մոսկվայի «Սպարտակի» հետ։ 

«Փյունիկի» ուսումնամարզական հավաքը նախատեսված է մինչև փետրվարի 19-ը։