Փյունիկը ստուգողական խաղում հաղթեց Ալ Իթիֆակին

ԱՄԷ-ում ուսումնամարզական հավաք անցկացնող «Փյունիկն» օրվա 2-րդ ստուգողական խաղում մրցեց տեղի Առաջին դիվիզիոնում հանդես եկող «Ալ Իթիֆակի» հետ ու հաղթեց նվազագույն հաշվով՝ Ֆիլիպե Ալմեյդայի գոլի շնորհիվ։

«Ալ Իթիֆակի» կազմում «Փյունիկի» դեմ հանդիպմանը մասնակցեց նաև Իտալիայի ազգային հավաքականի նախկին հարձակվող Մարիո Բալոտելին։

Հիշեցնենք, որ օրվա առաջին խաղում Արտակ Օսեյանի գլխավորած թիմը ոչ-ոքի՝ 1։1 հաշվով էր ավարտել հանդիպումը Լատվիայի չեմպիոն «Ռիգայի» հետ։ Երևանյան ակումբի միակ գոլը հեղինակել էր թիմի նորեկ Մոմո Յանսանեն։

Հավաքի 1-ին խաղում Արտակ Օսեյանի գլխավորած թիմը մրցել էր ԱՄԷ-ի երրորդ դիվիզիոնը ներկայացնող «Յունայթեդ Սպորտի» հետ ու հաղթել էր 5։0 հաշվով, 2-րդ խաղում, ունենալով 2 գնդակի առավելություն, «փյունիկցիները» 2։3 հաշվով զիջել էին ռուսական «Ուրալին»։

Հայտնի է նաև, որ Հայաստանի 16-ակի չեմպիոնը հավաքի շրջանակում կմրցի նաև Մոսկվայի «Սպարտակի» հետ։ 

«Փյունիկի» ուսումնամարզական հավաքը նախատեսված է մինչև փետրվարի 19-ը։