Խորվաթիայի հետ խաղին մոտենում ենք լավ տրամադրությամբ․ Ռուբեն Նազարեթյան

Ֆուտզալի Եվրոպայի առաջնության խմբային փուլի վերջին՝ 3-րդ տուրի Հայաստան-Լիտվա (3:3) հանդիպումից հետո Հայաստանի ազգային հավաքականի գլխավոր մարզիչ Ռուբեն Նազարեթյանը խոսել է հանդիպման ու սպասվող քառորդ եզրափակիչի մասին՝

«Շատ բարդ հանիպում էր։ Մենք մի շարք փոփոխություններ էինք կատարել, ցանկանում էինք հաղթել, բայց գոլերը բարդ տրվեցին։ Եթե ընդհանուր նայենք խմբային փուլին, ապա անցյալում ենք թողել 3 լավ հանդիպում։ Խորվաթիայի հետ խաղին մոտենում ենք լավ տրամադրությամբ»,-նշել է Նազարեթյանը։

Հիշեցնենք, որ Հայաստանի հավաքականն անցկացրած 3 խաղից հետո 7 միավորով գլխավորեց խմբի աղյուսակը՝ դուրս գալով քառորդ եզրափակիչ, որտեղ հունվարի 31-ին կմրցի Խորվաթիայի հավաքականի հետ։

Խմբային փուլի առաջին տուրում Հայաստանը 2։1 հաշվով առավելության էր հասել Ուկրաինայի, 2-րդ տուրում՝ 5։4 հաշվով Չեխիայի նկատմամբ։