Ցրվենա Զվեզդան ոչ-ոքի խաղաց Սելtայի հետ․ Տիկնիզյանը փոխարինվեց վնասվածքի պատճառով

Եվրոպա լիգայի հիմնական փուլի վերջին՝ 8-րդ տուրում «Ցրվենա Զվեզդան» ընդունել էր «Սելթային»։ Հանդիպումն ավարտվեց 1։1 հաշվով։

Ֆեր Լոպեսն 87-րդ րոպեին բացեց հանդիպման հաշիվը, սակայն 2 րոպե անց Բրունո Դուարտեն վերականգնեց հաշվի հավասարությունը։

Հայաստանի ազգային հավաքականի պաշտպան Նաիր Տիկնիզյանն ընդգրկված էր տանտերերի մեկնարկային կազմում, սակայն փոխարինվեց 50-րդ րոպեին՝ վնասվածքի պատճառով։ Ի դեպ, հանդիպմանը մարզադաշտից հետևում էր նաև ազգային ընտրանու գլխավոր մարզիչ Եղիշե Մելիքյանը։

Այսպիսով, «Ցրվենա Զվեզդան», վաստակած 14 միավորով, հիմնական փուլն ավարտվեց 15-րդ հորիզոնականում՝ նվաճելով անցումային փլեյ-օֆֆի ուղեգիր, որտեղ հավանական մրցակիցներն են ֆրանսիական «Լիլը» կամ հունական ՊԱՕԿ-ը։ Վիճակահանությունը կկայանա այսօր՝ հունվարի 30-ին։ 

Անցումային փլեյ-օֆֆում հաջողելուց հետո Տիկնիզյանն ու թիմակիցները կմրցեն կա՛մ «Աստոն Վիլայի», կա՛մ «Լիոնի» հետ։