Եղիշե Մելիքյանը ներկա է եղել Ցրվենա Զվեզդայի՝ Եվրոպա լիգայի խաղին
Հայաստանի ազգային հավաքականի գլխավոր մարզիչ Եղիշե Մելիքյանը ներկա է «Ցրվենա Զվեզդա»-«Սելտա» հանդիպմանը: Այս մասին հայտնում է ՀՖՖ մամուլի քարտուղարությունը:
Եվրոպա լիգայի հիմնական փուլի վերջին՝ 8-րդ տուրում «Ցրվենա Զվեզդան» սեփական հարկի տակ ոչ-ոքի է խաղացել «Սելտայի» հետ:
Հայաստանի ազգային հավաքականի պաշտպան Նաիր Տիկնիզյանն ընդգրկված է եղել տանտերերի մեկնարկային կազմում, սակայն փոխարինվել է 50-րդ րոպեին՝ վնասվածքի պատճառով։
Այսպիսով, «Ցրվենա Զվեզդան», վաստակած 14 միավորով, հիմնական փուլն ավարտել է 15-րդ հորիզոնականում՝ նվաճելով անցումային փլեյ-օֆֆի ուղեգիր:
