Ֆարուլը հաղթեց առաջնության առաջատարին․ Նարեկ Գրիգորյանը՝ գոլային փոխանցման հեղինակ (տեսանյութ)

Ռումինիայի առաջնության 24-րդ տուրում «Ֆարուլն» ընդունել էր առաջատար «Ունիվերսիտատեա Կրայովային» ու հաղթեց 4։1 հաշվով։

Հայաստանի ազգային հավաքականի կիսապաշտպան Նարեկ Գրիգորյանն ընդգրկված էր տանտերերի մեկնարկային կազմում ու փոխարինվեց 70-րդ րոպեին։

30-րդ րոպեին Գրիգորյանի փոխանցումը եզրափակեց Դավիդ Մաֆտեին՝ խփելով «Ֆարուլի» 3-րդ գոլը։ 



Այս հաղթանակից հետո «Ֆարուլը» 34 միավորով 10-րդ տեղում է։