Նորվեգիան երկու մեդալ նվաճեց բիաթլոնի առաջին անհատական մրցավազքում

Իտալիայում ընթացող ձմեռային Օլիմպիական խաղերում մեկնարկել են բիաթլոնի անհատական մրցավազքերը:

Տղամարդկանց անհատական մրցավազքի (20 կմ) հաղթող դարձավ նորվեգացի Յոհան-Օլավ Բոտնը: Նրա ցուցանիշն է՝ 51 րոպե 31,5 վայրկյան: Բոտնը չորս կրակահերթերում անվրեպ է եղել:

Առաջին տեղից 14,8 վայրկյանով հետ է մնացել ու արծաթե մեդալ նվաճել Ֆրանսիան ներկայացնող Էրիկ Պյերոն: Ուշագրավ է, որ Պյերոյի մայրը նորվեգացի է:

Երրորդ տեղը գրավել է մեկ այլ նորվեգացի՝ Ստրուլա Հոլմ Լեգրեյդը:

Բիաթլոնի տղամարդկանց անհատական մրցավազքից հետո Նորվեգիան արդեն նվաճել է 5 ոսկե մեդալ և ամրապնդվել Օլիմպիական խաղերի առաջին տեղում: Ընդհանուր մեդալների քանակով շարունակում է առաջին տեղում մնալ Իտալիան (10), սակայն սկանդինավյան երկիրը նվազագույնի հասցրեց տարբերությունը (9):

Փետրվարի 8-ին կայացել էր բիաթլոնի խառը փոխանցումավազքը, որի հաղթող էր դարձել Ֆրանսիայի հավաքականը: