Քերիկ. Երեխաներս պատմել են մազերը չկտրող երկրպագուի մասին

«Մանչեսթեր Յունայթեդի» գլխավոր մարզիչ Մայքլ Քերիկը տեղյակ է թիմի երկրպագու Ֆրենկ Իլեթի մասին, որը խոստացել է չկտրել մազերը, մինչև անգլիական գրանդը 5 անընդմեջ հաղթանակ չտոնի:

Իլեթը խոստումը տվել է 2024 թվականի հոկտեմբերի 5-ին և արդեն 493 օր մազերը չի կտրել, քանի որ «կարմիր սատանաներին» չէր հաջողվում 5 անընդմեջ հաղթանակ գրանցել:

Փետրվարի 10-ին «ՄՅՈւ»-ն մրցելու է «Վեսթ Հեմի» հետ և կարող է տոնել իր 5-րդ անընդմեջ հաղթանակը:

«Ես արդեն տեղյակ եմ այդ պատմության մասին. երեխաներս են բացատրել իրավիճակը: Այդուհանդերձ, հաստատ կարող եմ ասել, որ այդ հանգամանքը չի ազդելու իմ ֆուտբոլիստների վրա: Ես հասկանում եմ՝ ինչ է կատարվում, դա զավեշտալի է, բայց այն մեզ վրա չի ազդի»,- անգլիացու խոսքն է մեջբերում ESPN-ը: