Ինչո՞ւ չի խաղացել Սպերցյանը. պարզաբանում է Մուսաևը

«Կրասնոդարի» գլխավոր մարզիչ Մուրադ Մուսաևը հայտարարել է, որ թիմի կիսապաշտպան Էդուարդ Սպերցյանը վնասվածք է ստացել:

Հայաստանի հավաքականի ավագը չի մասնակցել Մոսկվայի «Դինամոյի» դեմ այսօր կայացած ընկերական հանդիպմանը (0:1):

«Հուսով եմ՝ Էդուարդի վնասվածքը լուրջ չէ: Նախախաղային մարզման ժամանակ նա անհաջող ընկավ: Բուժզննումը ցույց տվեց, որ ամեն ինչ այդքան էլ վատ չէ:

Վերականգնման համար կպահանջվի մի քանի օր: Հարկավոր էր խուսափել ավելորդ ռիսկերից»,- մարզչի խոսնք է մեջբերում matchtv.ru-ն:

2026 թվականին «Կրասնոդարի» առաջին պաշտոնական խաղը նախանշված է փետրվարի 28-ին: