Մարիա Ազիզյանն ու Քրիստինա Զախարյանը` Ծաղկաձորում կայացած Tennis Europe-ի Մ16 մրցաշարի հաղթող

Ծաղկաձորի գլխավոր մարզահամալիրում ավարտվեց Tennis Europe-ի մինչև 16 տարեկանների 3-րդ կատեգորիայի մրցաշարը։

Աղջիկների զուգախաղում հաղթեցին Մարիա Ազիզյանն ու Քրիստինա Զախարյանը։ Եզրափակիչում Հայաստանի ներկայացուցիչները 2։0 (6։3, 7։5) հաշվով առավելության հասան Բելառուսը ներկայացնող Ալինա Դոբրիան-Սոֆյա Ֆիլիպենիա խաղային զույգի նկատմամբ։

Աղջիկների մենախաղի հաղթողը Միլանա Գուսարն էր (Բելառուս), որը 2։0 (6։1, 6։3) հաշվով առավելության հասավ հայրենակցուհու՝ Ալինա Լիխտարովիչի նկատմամբ։

Տղաների զուգախաղի եզրափակիչում Առնո Ավետիսյանը բելառուսցի Ալիակսանդր Վիարսոտկսիի հետ 1:2 (4։6, 5:7, 6:10) հաշվով պարտվեց Լուչան Լարիշ (Լեհաստան)-Դանիիլ Սկորոբոհատի (Բելառուս) խաղային զույգին։

Տղաների մենախաղում Առնո Ավետիսյանը 0։2 (4:6, 3:6) հաշվով զիջեց զուգախաղում իր խաղընկերոջը՝ Ալիակսանդր Վիարսոտսկիին։

ՀԹՖ նախագահ Վարդան Զաքարյանի հետ եզրափակիչ խաղերին հետևել և հաղթողներին ու մեդալակիրներին պարգևատրել է ՀՀ ԿԳՄՍ նախարարի տեղակալ Հասմիկ Ավագյանը։