Ինտերը գերլարված խաղում հաղթեց Յուվենտուսին․ Մխիթարյանը մնաց պահեստայինների նստարանին (տեսանյութ)

Իտալիայի առաջնության 25-րդ տուրում «Ինտերը» ընդունել էր «Յուվենտուսին» ու հաղթեց 3։2 հաշվով։

17-րդ րոպեին Անդրեա Կամբիոսոն գրանցեց ինքնագոլ, իսկ 26-րդ րոպեին գրավեց «Ինտերի» դարպասը։ 42-րդ րոպեին Պիեր Կալուլուն ստանալով երկրորդ դեղինը՝ հեռացվեց խաղադաշտից՝ թուրինցիներին թողնելով 10 հոգով։

76-րդ րոպեին փոխարինման մտած Ֆրանչեսկո Պիո Էսպոսիտոն կրկին առաջ մղեց «Ինտերին», սակայն 7 րոպե անց Մանուել Լոկատելին վերականգնեց հաշվի հավասարությունը։

Հիմնական ժամանակի վերջին րոպեին Պիոտր Զիելինսկին հաղթանակ պարգևեց միլանյան ակումբին։

Հայաստանի ազգային հավաքականի նախկին ավագ Հենրիխ Մխիթարյանն ընդգրկված էր տանտերերի հայտացուցակում, սակայն խաղաժամանկ չստացավ։

Այս հաղթանակից հետո Քրիստիան Կիվուի սաները 61 միավորով գլխավորում են մրցաշարային աղյուսակը՝ ունենալով 8 միավորի առավելություն մեկ խաղ պակաս անցկացրած «Միլանի» նկատմամբ։

Հաջորդ տուրում «Ինտերի» մրցակիցը «Լեչչեն» է։