Ալ-Նասրը հաղթել է․ Ռոնալդուն վերադարձից հետո դարձել է գոլի հեղինակ (տեսանյութ)

Սաուդյան Արաբիայի առաջնության 22-րդ տուրում «Ալ-Նասրը» հյուրընկալվել էր «Ալ-Ֆաթեհին» ու հաղթեց 2։0 հաշվով։

18-րդ րոպեին աչքի ընկավ Կրիշտիանու Ռոնալդուն՝ խփելով կարիերայի 962-րդ գոլը։ 

Հաղթանակից հետո պորտուգալացին X-ի իր էջում գրել է․

«Եվս մեկ քայլ առաջ։ Եկեք շարունակենք»։

Այս հաղթանակից հետո «Ալ-Նասրը» մրցաշարային աղյուսակում 2-րդն է՝ 52 միավորով։ Աղյուսակը գլխավորում է «Ալ-Հիլալը»՝ 53 միավորով։

Ընթացիկ մրցաշրջանում 41-ամյա Ռոնալդուն մասնակցել է Պրո-Լիգայի 19 հանդիպման՝ դառնալով 18 գոլի հեղինակ։

Հիշեցնենք, որ Կրիշտիանուն բոյկոտել և չէր մասնակցել «Ալ-Ռիյադի» ու «Ալ-Իթիֆաքի» դեմ հանդիպումներին՝ ի նշան բողոքի Սաուդյան Արաբիայի Ինքնիշխան հիմնադրամի (PIF) վարած քաղաքականության դեմ՝ մի շարք ակումբների նկատմամբ։ Բացի այդ, պորտուգալացին այս կերպ արտահայտել էր իր անհամաձայնությունը թիմի որոշ աշխատակիցների աշխատավարձերի ուշացման հետ կապված։