Բելինգեմն աշխարհի լավագույն ֆուտբոլիստներից մեկն է․ Արբելոա

Մադրիդի «Ռեալի» գլխավոր մարզիչ Ալվարո Արբելոան խոսել է թիմի կիսապաշտպան Ջուդ Բելինգեմի մասին, որը փետրվարի սկզբից ազդրի վնասվածքի պատճառով դուրս է մնացել շարքից։

Ավելի վաղ հաղորդվում էր, որ անգլիացի ֆուտբոլիստը կարող է բաց թողնել մինչև երկու ամիս։

«Եթե կարողանայի ձեռք բարձրացնել նրա առողջ ու պատրաստ լինելու համար, առանց վարանելու կանեի դա։ Ջուդ Բելինգհեմը, իմ կարծիքով, աշխարհի լավագույն ֆուտբոլիստներից մեկն է։ Նա առաջնորդ է և օրինակ բոլորի համար։ Նրա բացակայությունը զգացվում է։

Միևնույն ժամանակ ուրախ եմ, որ կարողանում ենք խաղալ և պայքարել նաև առանց նման ֆուտբոլիստի։ Դա շատ բան է ասում մեր թիմի մասին։

Եթե Պանորամիքսի կախարդական թուրմից ունենայի («Աստերիքս ու  Օբելիքս» կինոնկարից հայտնի հերոսի թուրմը, որը հզոր է դարձնում այն օգտագործողին) անմիջապես կօգտագործեի՝ նրան վերադարձնելու համար»,- նշել է Արբելոան։

Ընթացիկ մրցաշրջանում, անգլիացի ֆուտբոլիստը, բոլոր մրցաշարերում, մասնակցել է 28 հանդիպման՝ դառնալով 6 գոլի ու 4 գոլային փոխանցման հեղինակ։

Այսօր 21։30-ին Մադրիդ «Ռեալը» կընդունի «Օսասունային»։