Ռոնալդուն կմնա ֆուտբոլի պատմության մեծագույն ֆուտբոլիստը․ Լեաու

«Միլանի» և Պորտուգալիայի ազգային հավաքականի վինգեր Ռաֆայել Լեաուն խոսել է Լիոնել Մեսսիի ու Կրիշտիանու Ռոնալդուի մասին։

Լեաուին հարցրել են՝ արդյոք արդարացի՞ է, որ երկրպագուները Մեսսիին համարում են բոլոր ժամանակների լավագույն ֆուտբոլիստ՝ աշխարհի չեմպիոն դառնալու շնորհիվ, մինչդեռ Ռոնալդուն չի նվաճել այդ տիտղոսը։

«Ոչ, այդպես չեմ կարծում։ Իհարկե, աշխարհի առաջնությունը կարևոր է Կրիշտիանուի համար, քանի որ նա դեռ չի հաղթել այդ մրցաշարում։ Բայց դա նշանակություն չունի․ միևնույն է Ռոնալդուն կմնա ֆուտբոլի պատմության մեծագույն ֆուտբոլիստը», – նշել է Լեաուն։