Կոմոն կրկին հաղթեց Յուվենտուսին՝ ընդհուպ մոտենալով լավագույն հնգյակին (տեսանյութ)

Իտալիայի առաջնության 26-րդ տուրում «Կոմոն» ընդունել էր «Յուվենտուսին» ու հաղթեց 2։0 հաշվով։

Հանդիպման հաշիվը 11-րդ րոպեին բացեց Մերգիմ Վոյվոդան։ Տանտերերի առավելությունը կրկնապատկեց Մակսենս Կակերեն՝ 61-րդ րոպեին։

Այս հաղթանակից հետո Սեսկ Ֆաբրեգասի գլխավորած թիմը վաստակեց 45 միավոր ու 6-րդ տեղում է։ «Յուվենտուսը» 46 միավորով 5-րդն է։ Թուրինյան ակումբը պարտվել է վերջին 5 խաղերից 4-ում և ոչ-ոքի է խաղացել միայն «Լացիոյի» հետ (Ա Սերիա, 2։2)։ Մասիմիլանո Ալեգրիի գլխավորած թիմը Չեմպիոնների լիգայի շրջանակում 2։5 հաշվով զիջել է «Գալաթասարային», Իտալիայի գավաթում 0։3 «Ատալանտային», Ա Սերիայում էլ 2։3 հաշվով պարտվել է «Ինտերին»։ Հաջորդ տուրում «Ծեր սինյորան» ուժերը կչափի «Ռոմայի» հետ։

Հիշեցնենք, որ թիմերի միջև առաջին շրջանում կայացած խաղում ևս հաջողությունն ուղեկցել էր «Կոմոյին»։