Էդուարդ Սպերցյանը բաց կթողնի Վրաստանի հավաքականի հետ խաղերը (տեսանյութ)

«Կրասնոդարի» և Հայաստանի հավաքականի կիսապաշտպան Էդուարդ Սպերցյանը վնասվածքի պատճառով բաց կթողնի առնվազն մեկ ամիս: Այս մասին հայտնում է «Матч ТВ»-ն:

Բժշկական հետազոտությունը ցույց է տվել, որ Սպերցյանի վնասվածքը լուրջ է։ Ֆուտբոլիստը բաց կթողնի առնվազն մեկ ամիս, հնարավոր է նաև ավելին։ Վերականգնման պաշտոնական ժամկետները կհայտարարվեն մեկ շաբաթվա ընթացքում։

Մարտին Հայաստանի ազգային հավաքականը Ազգերի լիգայի շրջանակում երկու հանդիպում կանցկացնի Վրաստանի հետ, իսկ «Կրասնոդարը» Ռուսաստանի առաջնությունում կխաղա «Պարի ՆՆ»-ի, «Ռոստովի» և «Ֆակելի», Ռուսաստանի գավաթում՝ «Ախմատի» հետ։

Հիշեցնենք՝ Սպերցյանը վնասվածք է ստացել Ռուսաստանի Պրեմիեր լիգայի (ՌՊԼ) 19-րդ տուրի՝ «Կռիլյա Սովետովի» հետ տնային խաղում, որն ավարտվել է ոչ-ոքի՝ 1:1, հաշվով: Սպերցյանը վնասվածքի պատճառով փոխարինվել է երկրորդ խաղակեսում:

Սպերցյանի վնասվածք ստանալու պահը դիտեք մեր թելեգրամյան ալիքում։