Շատ ուրախ եմ ինձ և թիմի համար. Մխիթարյան (տեսանյութ)

Ա Սերիայի 26-րդ տուրում «Լեչչեի» նկատմամբ տարած հաղթանակից հետո (2։0) «Միլանի» հայ կիսապաշտպան Հենրիխ Մխիթարյանը կիսվել է տպավորություններով: 75-րդ րոպեին Մխիթարյանը բացել է հանդիպման հաշիվը:

«Ուրախ եմ թե՛ ինձ, թե՛ թիմի համար, քանի որ այսօր հաղթեցինք շատ կարևոր խաղում: «Լեչչեն» հեշտ մրցակից չէ: Նրանք շատ լավ են պատրաստված, կազմակերպված են գործում և քեզ ազատ տարածություն չեն թողնում: Առաջին կեսում կարողացանք որոշ պահեր ստեղծել, իսկ երկրորդում ավելի հեշտ էր, քանի որ գոլ խփեցինք: Միայն փորձի հաշվին չենք հաղթում, այլև մեծ ցանկության: Բոլորս պետք է ամեն ինչ ներդնենք առաջին գոլը խփելու համար»,- ասել է հայ ֆուտբոլիստը:

Տեսանյութը՝ այստեղ։

Անդրադառնալով գոլի դրվագին՝ Մխիթարյանն ասել է. «Վերջին պահին որոշեցի տուգանային հրապարակ մտնել ու դարձա գոլի հեղինակ, թեև այնտեղ պետք է Բաստոնին լիներ: Մենք միշտ պետք է միասնական լինենք, քանի որ մեկ թիմ ենք ու մեկ ընտանիք: Այժմ պետք է նայենք առաջ և կենտրոնանանք հաջորդ խաղի վրա. լավագույնս կնախապատրաստվենք դրան և կանենք առավելագույնը: Այդ ամենը կանենք մեր երկրպագուների աջակցությամբ»: