Նարկոկարտելի ղեկավարի սպանությունից հետո Մեքսիկայում հետաձգվել են մարզական միջոցառումները
Մեքսիկայի բարձրագույն դիվիզիոնի «Կերետարո» – «Խուարես» հանդիպումը հետաձգվել է երկրում ստեղծված լարված իրավիճակի պատճառով։
Տեղական լրատվամիջոցների փոխանցմամբ՝ որոշումը կայացվել է ազդեցիկ նարկոկարտելի ղեկավար Նեմեսիո Օսեգերա Սերվանտեսի (Էլ Մենչո) սպանությունից հետո։
Ըստ աղբյուրների՝ հանցավոր խմբավորումների շուրջ 19 հազար անդամներ զանգվածային անկարգություններ են հրահրում՝ հրկիզելով ավտոմեքենաներ, փակելով ճանապարհներ և զինված բախումների մեջ մտնելով իրավապահների հետ։ Անվտանգության նկատառումներից ելնելով՝ հետաձգվել են ոչ միայն տղամարդկանց բարձրագույն լիգայի հանդիպումները, այլև կանանց առաջնության խաղերն ու երկրորդ դիվիզիոնի մրցաշարերը։
Միևնույն ժամանակ, երկրում նախատեսվում է անցկացնել թենիսի միջազգային մրցաշարեր՝ WTA-ի և ATP-ի հովանու ներքո։
Իրավիճակը շարունակում է մնալ լարված, իսկ իշխանությունները կոչ են անում բնակչությանը պահպանել զգոնություն և հետևել պաշտոնական հաղորդագրություններին։
