Հայտնի է ԱԶ Ալկմար-Նոա հանդիպման մրցավարական անձնակազմը

Կոնֆերենցիաների լիգայի անցումային փլեյ-օֆֆի պատասխան խաղում «Նոան» հյուրընկալվելու է «ԱԶ Ալկմարին»։

Հանդիպումը կսպասարկեն Մոնտենեգրոն ներկայացնող մրցավարները՝ Նիկոլա Դաբանովիչի գլխավորությամբ։ Եզրերում նրան կօգնեն Վլադան Տոդորովիչն ու Սրջան Յովանովիչը։ 4-րդ մրցավարը Միլոշ Բոշկովիչն է։

ՎԱՌ-ի գլխավոր մրցավարը Իվան Բեբեկն է՝ Խորվաթիայից։ Նրա օգնականը համերկրացի Մարիո Զեբեցն է։

Նշենք, որ Դաբանովիչը սպասարկել է 2023 թվականին կայացած Հյուսիսային Մակեդոնիա-Հայաստան (3:1) ընկերական, Ազգերի լիգայի 2022/23 մրցաշրջանի B լիգայի Հայաստան-Շոտլանդիա (1:4), ԱԱ 2022-ի ընտրական փուլի Իսլանդիա-Հայաստան (1։1), ԵՎՐՈ 2020-ի որակավորման փուլի Հայաստան- Ֆինլանդիա (0:2) և 2013/14 մրցաշրջանի Եվրոպա լիգայի որակավորման 1-ին փուլի «Ակտոբե»-«Գանձասար» (2։1) հանդիպումները։

Նշենք, որ «ԱԶ Ալկմար»-«Նոա» հանդիպումը կկայանա փետրվարի 27-ին և կմեկնարկի Երևանի ժամանակով ուղիղ կեսգիշերին։ Sportmedia.am-ը հանդիպումը կլուսաբանի Ալկմարից։

Հիշեցնենք, որ թիմերի միջև Երևանում կայացած խաղում «Նոան», Հովհաննես Համբարձումյանի գոլի շնորհիվ, հաղթել էր նվազագույն հաշվով։