Էդուարդ Սպերցյանը պատմել է Լիդսի տարօրինակ առաջարկների մասին
«Կրասնոդարի» և Հայաստանի հավաքականի կիսապաշտպան Էդուարդ Սպերցյանը Ֆյոդոր Սմոլովի «Smol Talk» YouTube-յան ալիքին տված հարցազրույցում բացահայտել է անգլիական «Լիդսի» կողմից իրեն ձեռք բերելու անհաջող և տարօրինակ փորձերի մանրամասները:
Սպերցյանի խոսքով՝ ամեն անգամ պատուհանի վերջին օրերին իր հետ կապ են հաստատում պատահական մարդիկ.
«Տրանսֆերային պատուհանի փակվելուց մեկուկես օր առաջ ինձ զանգում է մի մարդ ու ասում. «Լսի՛ր, «Լիդսը» պատրաստ է քեզ առաջարկ ուղարկել՝ վարձակալության, պաա գնման իրավունքով»։ Ես ասում եմ. «Դուք ընդհանրապես ո՞վ եք, ինչո՞ւ եք ինձ զանգահարում»։ Ես գործակալ չունեմ, ուստի ասացի՝ զանգահարե՛ք ակումբ, ընդամենը մեկ օր է մնացել։ Ընդհանուր առմամբ, ես դա լուրջ չընդունեցի, և այդպես լինում է անընդհատ։ Սա նույնիսկ անհարգալից է»։
Ֆուտբոլիստը նշել է, որ անգլիական ակումբը յուրաքանչյուր յուրաքանչյուր տրանսֆերային պատուհանի ընթացքում ցուցաբերում է հետաքրքրություն, բայց միշտ կրկնվում է նույն տարօրինակ սցենարը.
««Լիդսը» միշտ փորձում է կապ հաստատել։ Ես ասում եմ՝ դա անհնար է պատուհանի փակվելուց մեկ օր առաջ։ Վստահ եմ, որ նրանք ունեն ակումբի հետ կապ հաստատելու հնարավորությունները։ Եթե իրոք ցանկանում եք կամ մտածում եք այդ մասին, անմիջապես զանգե՛ք ակումբ։ Ստացվում է՝ յուրաքանչյուր կես տարին մեկ տարբեր մարդիկ են զանգում»,-նշել է Սպերցյանը։
