Նեյմարը բացահայտել է, թե ինչի վրա է կենտրոնացած կարիերայի այս փուլում
«Սանթոսի» հարձակվող Նեյմարը Մունդիալ 2026-ին իր մասնակցությունը համարում է կարիերայի ներկայիս փուլի ամենակարևոր նպատակը: Այս մասին հայտնում է ESPN-ը:
Պարբերականի տեղեկություններով՝ ֆուտբոլիստը հանդերձարանում իր թիմակիցների հետ ավելի ու ավելի հաճախ է քննարկում հենց այս թեման: Աշխարհի առաջնությունը բրազիլացի աստղի համար դարձել է իրական «առաքելություն»:
Ավելի վաղ հայտնի էր դարձել, որ Բրազիլիայի հավաքականի գլխավոր մարզիչ Կարլո Անչելոտին պատրաստ է Նեյմարին հրավիրել Մունդիալ 2026-ին միայն նրա գերազանց ֆիզիկական վիճակի դեպքում, հաղորդում է UOL-ը:
Իտալացին մտադիր է առաջնորդվել նախևառաջ խաղացողի ընթացիկ մարզավիճակով և բարձր մակարդակով հանդիպումներ անցկացնելու պատրաստակամությամբ։
Միևնույն ժամանակ, աղբյուրները պնդում են, որ Անչելոտին առանձնահատուկ համակրանք չունի ֆուտբոլիստի նկատմամբ, ուստի հրավիրելու որոշումը կախված կլինի բացառապես մարզական գործոններից։
Նեյմարը հանդիսանում է հարազատ «Սանտոսի» սան, որտեղ մասնակցել է 254 հանդիպման՝ դառնալով 147 գոլի և 71 գոլային փոխանցման հեղինակ: Transfermarkt-ի՝ 34-ամյա ֆուտբոլիստի տրանսֆերային արժեքը գնահատում է 10 միլիոն եվրո:
