Սա հիանալի երեկո է ակումբի, երկրպագուների և նորվեգական ֆուտբոլի համար․ Բուդյո Գլիմտի գլխավոր մարզիչ
«Բուդյո-Գլիմտի» գլխավոր մարզիչ Կյետիլ Կնուտսենը խոսել է Չեմպիոնների լիգայի 1/8 եզրափակիչ դուրս գալու մասին՝ այն անվանելով սենսացիոն արդյունք։
«Եթե ամփոփենք «Ինտերի» հետ պատասխան խաղը, կարող եմ ասել, որ առաջին խաղակեսում մենք մի փոքր վախեցած և անհանգիստ տեսք ունեինք։ Պաշտպանությունում ամեն ինչ կարգին էր, բայց գնդակով մենք պարզապես չէինք համարձակվում ինչ-որ բան անել և փորձում էինք հնարավորինս արագ ազատվել նրանից։
Երկրորդ խաղակեսում շատ ավելի լավ էինք վերահսկում խաղը։ Պետք է ազնիվ լինենք և ընդունենք, որ հանդիպումը ամբողջությամբ մեր ուզած սցենարով չէր ընթանում, սակայն մեր խփած երկրորդ գոլը պարզապես ֆանտաստիկ էր։ Մենք երկար ճանապարհ ենք անցել՝ հասնելու այն հաջողությանը, ինչ ունենք հիմա։ Այս հաջողության հետևում կանգնած են բազմաթիվ մարդիկ։ Սա հիանալի երեկո է ակումբի, երկրպագուների և նորվեգական ֆուտբոլի համար։ Ապագա նպատակների մասին խոսել չենք ուզում», — Կնուտսենի խոսքերն է փոխանցում ՈՒԵՖԱ-ի պաշտոնական կայքը։
