Մենք աջակցում ենք Վինիսիուսին․ Պակետա

Բրազիլական  «Ֆլամենգոյի» կիսապաշտպան Լուկաս Պակետան աջակցել է «Ռեալի» վինգեր Վինիսիուսին՝ ռասիստական սկանդալի ֆոնին։

Ավելի վաղ ՈՒԵՖԱ-ն ժամանակավորապես որակազրկել էր «Բենֆիկայի» հարձակվող Ջանլուկա Պրեստիաննիին՝ բրազիլացի ֆուտբոլիստի հետ տեղի ունեցած միջադեպից հետո։

Վինիսիուսը հանդիպման գլխավոր մրցավար Ֆրանսուա Լետեքսյեին հայտնել էր, որ Պրեստիաննին իրեն «կապիկ» է անվանել։

«Մենք շատ ենք շփվում, և շատ տխուր է, որ մինչև հիմա ստիպված ենք ապրել ու տեսնել այն, ինչ տեղի է ունենում Վինիի հետ։ Նրանք, ովքեր ճանաչում են Վինիսիուսին, գիտեն, որ նա բարի սիրտ ունի։

Մարդիկ նրա վրա բեռ են դնում, որը նա չպետք է կրի։ Նա զոհ է։ Ես, «Ֆլամենգոյի» ամբողջ թիմը և ամբողջ անձնակազմը աջակցում ենք Վինիին։

Հուսով ենք, որ սա որքան հնարավոր է շուտ կավարտվի։ Սա չափազանց հեռու է գնացել», – ասել է Լուկաս Պակետան։