Ատալանտան 97-րդ րոպեին խփած գոլի շնորհիվ պայքարից դուրս թողեց Դորտմունդի Բորուսիային (տեսանութ)

Չեմպիոնների լիգայի անցումային փլեյ-օֆֆի պատասխան խաղում «Ատալանտան» ընդունել էր Դորտմունդի «Բորուսիային» ու հաղթեց 4։1 հաշվով։

Նախ 5-րդ րոպեին Ջանլուկա Սկամական բացեց հանդիպման հաշիվը, ապա 1-ին կեսի վերջին րոպեին Դավիդե Զապակոստան խփեց «Ատալանտայի» 2-րդ գոլը՝ վերականգնելով դիմակայության հաշվի հավասարությունը։

57-րդ րոպեին Մարիո Պաշալիչը հաշիվը դարձրեց 3։0, սակայն 75-րդ րոպեին Կարիմ Ադեյեմին կրճատեց հաշվի տարբերությունը։

Հիմնական ժամանակին ավելացրած 6-րդ րոպեին Նիկոլա Կրստովիչը վաստակեց 11-մետրանոց, որը դիպուկ իրացրեց Լազար Սամարջիչը՝ պարգևելով «Ատալանտային» հաղթանակ ու 1/8 եզրափակիչի ուղեգիր, որտեղ իտալական ակումբի մրցակիցները կարող են լինել «Արսենալը» կամ «Բավարիան»։

Հիշեցնենք, որ թիմերի միջև կայացած 1-ին խաղում գերմանական ակումբը հաղթել էր 2։0 հաշվով։ Այդ խաղում աչքի էին ընկել Սերու Գերասին ու Մաքսիմիլիան Բեյերը։