Հավատում ենք մեր ուժերին. Պերկովիչը՝ ԱԶ Ալկմարի հետ պատասխան խաղի մասին
«Նոայի» գլխավոր մարզիչ Սանդրո Պերկովիչը Կոնֆերենցիաների լիգայի անցումային փլեյ-օֆֆ փուլի՝ «Նոայի» հետ պատասխան խաղից առաջ լրագրոողների հետ հանդիպմանը խոսել է սպասելիքների մասին:
«Շատ բարդ հանդիպում է մեզ սպասվում: Գիտենք, թե ում դեմ ենք խաղալու: Գիտենք, թե նրանք որքան լավն են, բայց մենք հավատում ենք մեր ուժերին: Նրանք այժմ խաղալու են սեփական հարկի տակ` իրենց երկրպագուների առջև: Հիմա ավելի բարդ հանդիպում կլինի, քան առաջին խաղն էր:
Մենք նրանց շատ ենք հարգում և բայց նաև հավատում ենք ինքներս մեզ: Պատրաստ ենք պայքար մղելու»,-ասել է նա:
Պերկովիչը խոսել է նաև խաղի կարևորության մասին. «Անձամբ ինձ համար էլ կարևոր խաղ է: Յուրաքանչյուր մարդ, որը ֆուտբոլում է, ձգտում է հնարավորինս առաջ գնալ, իսկ մենք հիմա շատ բարձր մակարդակի վրա ենք: Եթե նայեք ամառվանից մինչև հիմա մեր կազմին, կտեսնեք, որ մեր առաջխաղացումը խաղային առումով ակնհայտ է: Մենք այստեղ չենք եկել որպես զբոսաշրջիկ, ցանկանում ենք լավ մրցակցություն ապահովել: Մեր նպատակը մեկն է՝ լավ պայքար մղել և անցնել հաջորդ փուլ: Կարծում եմ՝ յուրաքանչյուր երկրպագու արդեն, իսկ կարող է հպարտ լինել այն ամենով, ինչ արել են այս տղաները»,-ասել է մարզիչը:
