Վավրինկա. Իմ կարիեայում քամել եմ լիմոնը մինչև վերջին կաթիլը
«Մեծ սաղավարտերի» եռակի հաղթող Ստեն Վավրինկան պատասխանել է այն հարցին, թե արդյոք առավելագույնին է հասել իր կարիերայի ընթացքում:
«Կարծում եմ՝ միշտ էլ կլինեն մի քանի բաներ, որոնց համար կզղջաս: Բայց երբ ես նոր էի մտնում պրոֆեսիոնալ թենիս, երազանքս պարզապես թենիսիստ լինելն էր՝ խաղալ «Մեծ սաղավարտի» մրցաշարերում, լինել թոփ-100-ում, լավ խաղալ ու հեռանալ: Դա էր իմ երազանքը:
Նպատակս էր զղջալու ոչինչ չունենալ, երբ ավարտեմ այս երկար ճանապարհորդությունը: Դու կարող ես զղջալ ինչ-որ բանի համար, եթե կարիերայիդ մի հատվածում վատ ես մարզվել, ինքդ քեզ առաջ չես մղել կամ չես պայքարել: Այդ պատճառով ինձ համար միշտ կարևոր է եղել անել առավելագույնը:
Հավատում եմ, որ լիմոնը քամել եմ մինչև վերջին կաթիլը: Ահա թե ինչու, զղջալու ոչինչ չունեմ: Կարծում եմ՝ արել եմ այն ամենը, ինչ կարող էի: Միշտ ձգտել եմ դառնալ իմ լավագույն տարբերակը: Ես շատ ուրախ եմ իմ նվաճումների, ուրախ եմ «Մեծ սաղավարտի» այդ երեք տիտղոսների, որոնք ունեմ, և մյուս բոլոր մրցաշարերի համար, որոնցում հաղթել եմ: Ո՛չ, չեմ կարծում, թե կարող էի ավելին անել»,- 41-ամյա շվեյցարացու խոսքն է մեջբերում Tennis.com-ը:
