Պենետրան՝ Նոայի դեմ խաղի մասին. Մենք կարող ենք հաղթել աշխարհի գրեթե բոլոր թիմերին

«ԱԶ Ալկմարի» կենտրոնական պաշտպան Ալեքսանդրե Պենետրան կարծում է, որ նիդերլանդական թիմը կհաղթի «Նոային», եթե խաղա իր հնարավորությունների առավելագույն չափով: Կոնֆերենցիաների լիգայի անցումային փլեյ-օֆֆի առաջին խաղում Հայաստանի չեմպիոնը հաղթել է 1:0 հաշվով:

«Երևանում մեզ պակասում էր վերջին փոխանցումը: Բացի այդ, մենք մրցակցին հակագրոհների մի քանի հնարավորություն տվեցինք, հատկապես՝ եզրային նետումներից: Դա խոսում է այն մասին, որ մեր կենտրոնացվածությունը հարյուր տոկոսանոց չէր. միգուցե այն ութսուն տոկոս էր:

Սակայն մենք գիտենք՝ եթե կենտրոնացված լինենք մեր խաղի ու անելիքների վրա, կարող ենք հաղթել աշխարհի գրեթե բոլոր թիմերին: Մենք մեծապես հավատում ենք մեր որակներին և խաղային մարտավարությանը»,- պորտուգալացու խոսքն է մեջբերում vi.nl-ն:

«ԱԶ Ալկմար» – «Նոա» խաղը կկայանա փետրվարի 26-ին: Սկիզբը՝ 23:55-ին: