Հայաստանը կմնա ՈւԵՖԱ-ի վարկանիշային աղյուսակի 33-րդ հորիզոնականում

Կոնֆերենցիաների լիգայի անցումային փլեյ-օֆֆի պատասխան խաղում «Նոան» 0։4 հաշվով զիջեց «ԱԶ Ալկմարին»՝ լքելով մրցաշարը։

«Նոան» վերջին ակումբն էր, որը ներկայացնում էր Հայաստանը եվրոպական մրցաշարերում։

2025/26 մրցաշրջանում հայկական ակումբները վաստակեցին 16,75 վարկանիշային միավոր («Նոա»՝ 13,250, «Փյունիկ»՝ 2, «Արարատ-Արմենիա»՝ 1,5, «Ուրարտու»՝ 0), ինչը 2024/25 մրցաշրջանի համեմատությամբ քիչ է 0,75 միավորով (17.5): 2023/24 մրցաշրջանում վաստակած վարկանիշային միավորների քանակը 9 էր։

Այսպիսով, Հայաստանը մրցաշրջանը կավարտի 33-րդ տեղում, ինչը հնարավորություն կտա Հայաստանի գավաթակրին 2027/28 մրցաշրջանում պայքարը սկսել Եվրոպա լիգայի որակավորման 1-ին փուլից։

30․ Իռլանդիա (18.761)
31․ Ռուսաստան (18.299)
32․ Իսլանդիա (16.521)
33․ Հայաստան (15,063)
34․ Մոլդովա (14.625)
35․ Ֆինլանդիա (14.250)
36․ Կոսովո (13.989)
37․ Ղազախստան (13.750)