Հակառակ բոլոր սպասումներին՝ Բարսելոնան կդառնա Իսպանիայի չեմպիոն․ Ժոան Լապորտա

«Բարսելոնայի» նախագահ Ժոան Լապորտան վստահություն է հայտնել, որ «կապտանռնագույնները» կպաշտպանեն Իսպանիայի չեմպիոնի տիտղոսն այս մրցաշրջանում:

«Վերջին երեք եզրափակիչներում մենք ջախջախել ենք Մադրիդի «Ռեալին»: Այժմ պետք է պայքար մղենք «Ատլետիկոյի» դեմ: Մեր թիմը կհաղթի Լա Լիգան՝ հակառակ բոլոր սպասումների», — Լապորտայի խոսքերն է մեջբերում Sport.es-ը:

Իսպանիայի առաջնության 25-րդ տուրից հետո «Բարսելոնան» վաստակել է 61 միավոր և այս պահին զբաղեցնում է առաջին հորիզոնականը։ Երկրորդ տեղում Մադրիդի «Ռեալն» է՝ 60 միավորով։ Առաջատարների եռյակը եզրափակում է «Վիլյառեալը»՝ 51 միավորով։

26-րդ տուրում կատալոնական ակումբը, այսօր՝ 19։15-ին կընդունի «Վիլյառեալին»։

«Բարսելոնան» Իսպանիայի գործող չեմպիոնն է։