Սա ամենամեծ հաճոյախոսությունն է նրա համար. Սլոտը պաշտպանել է Սալահին՝ մեկնաբանելով ֆուտբոլիստի անարդյունավետ խաղը
«Լիվերպուլի» գլխավոր մարզիչ Արնե Սլոտը մեկնաբանել է թիմի առաջատար Մոհամեդ Սալահի արդյունավետության անկումը։ Եգիպտոսցի հարձակվողը չի կարողանում գոլի հեղինակ դառնալ Պրեմիեր լիգայի 9-րդ խաղում անընդմեջ։
«Նա ինքն է իր համար սահմանել չափանիշներ և դրանք այնքան բարձր են, որ երբ նա մի քանի խաղ անընդմեջ գոլ չի խփում, մարդիկ անմիջապես զարմանում են։ Այնպես որ, սա թերևս ամենամեծ հաճոյախոսությունն է, որ նա կարող է ստանալ։ Մենք սովոր ենք, որ Մոն շատ գոլեր է խփում։
Ես հաստատ չգիտեմ՝ արդյոք նա ինը խաղ անընդմեջ գոլի հեղինակ չի դարձել, բայց ինձ նմանատիպ հարցեր տվել են նաև նախկինում, երբ նա գոլ չէր խփում երեք կամ հինգ խաղ անընդմեջ, ես հստակ թվերը չգիտեմ։ Բայց ես նաև գիտեմ, որ ի վերջո նա միշտ նորից սկսում է գոլեր խփել։
Այնպես որ, նրա և մեր առջև խնդիր է դրված՝ համոզվելու, որ նա նորից կսկսի գոլեր խփել։ Որովհետև նա մեր միակ հարձակվողը չէ, ով տվյալ պահին այնքան շատ չի խփում, որքան մենք սովոր ենք տեսնել մեր հարձակվողական ոճի խաղացողների կատարմամբ։
Ուստի ուշադրությունը կենտրոնացած է ոչ միայն նրա վրա, թեև նա արժանի է դրան՝ ակումբին տված իր օգուտի համար», – ասել է Սլոտը «Վեստ Հեմի» հետ խաղից առաջ կայացած մամուլի ասուլիսի ժամանակ։
ԱՊԼ-ի 28-րդ տուրի «Լիվերպուլ»-«Վեստ Հեմ» հանդիպումը կմեկնարկի 19։00-ին։
