Քարիկի ու Ամորիմի տարբերությունը․ The Telegraph-ի բացահայտումները
«Մանչեսթեր Յունայթեդի» գլխավոր մարզչի պաշտոնից Ռուբեն Ամորիմի հեռացումից և Մայքլ Քարիկի նշանակումից հետո մարզումային գործընթացում հիմնարար փոփոխություններ են տեղի են ունեցել։ Այս մասին հայտնում է The Telegraph-ը։
Ըստ աղբյուրի՝ պորտուգալացի մասնագետի երիտասարդ մարզչական շտաբը հազվադեպ էր հայտնում սեփական կարծիքը՝ տարատեսակ հարցերի շուրջ։ Ամորիմի տեսակետը հազվադեպ էր վիճարկվում կամ առարկությունների հանդիպում։ Քարիկի մարզչական շտաբում իրավիճակը հակառակն է. անգլիացի մասնագետը գիտի, որ իր օգնականներն արտահայտելու են իրենց կարծիքը։
Բացի այդ, Քարիկի օրոք մարզումները դարձել են ավելի կարճ ու ինտենսիվ. դրանք հազվադեպ են տևում մեկ ժամից կամ 75 րոպեից ավելի։ «Կարմիր սատանաների» մարզումային գործընթացին հետևողները «ցնցված» են եղել ցուցադրվող գործողությունների ինտենսիվությունից, մակարդակից և որակից։
Ամորիմը գլխավորել է «Մանչեսթեր Յունայթեդը» 2024 թվականի նոյեմբերից մինչև 2026 թվականի հունվարը։ Քարիկը զբաղեցնում է մանկունիանցիների գլխավոր մարզչի պաշտոնը հունվարի 13-ից։ Նրա հետ պայմանագիրը նախատեսված է մինչև մրցաշրջանի ավարտը։
