Կրասնոդարը հաղթեց Ռոստովին․ Սպերցյանը՝ գոլի հեղինակ (տեսանյութ)

Ռուսաստանի Պրեմիեր լիգայի 19-րդ տուրում «Կրասնոդարն» ընդունել էր «Ռոստովին» ու հաղթեց 2։1 հաշվով։

Հանդիպման հաշիվը բացեց Հայաստանի ազգային հավաքականի ավագ Էդուարդ Սպերցյանը՝ 8-րդ րոպեին դիպուկ իրացնելով իր վաստակած 11-մետրանոցը։ Տեսանյութը՝ այստեղ։ Սպերցյանը խփեց իր 9-րդ գոլն ընթացիկ առաջնությունում։ Հայ ֆուտբոլիստը մասնակցեց ամբողջ հանդիպմանը։

1-ին կեսին ավելացրած 3-րդ րոպեին Ալեքսեյ Միրոնովը ևս դիպուկ գտնվեց՝ վերականգնելով հաշվի հավասարությունը։ 

2-րդ կեսի մեկնարկից 6 րոպե անց Դմիտրի Չիստակովը, ստանալով երկրորդ դեղին քարտը, հեռացվեց խաղադաշտից։ 73-րդ րոպեին Նիկիտա Կրիվցովը կրկին առաջ մղեց «Կրասնոդարին»։ Հիմնական ժամանակին ավելացրած 6-րդ րոպեին Իլյա Վախանյան հեռացվեց խաղադաշտից՝ «Ռոստովին» թողնելով 9 հոգով։

Հայաստանի ազգային հավաքականի նախկին կիսապաշտպան Խորեն Բայրամյանը «Ռոստովի» կազմում փոխարինման մտավ 83-րդ րոպեին։

Այս խաղից հետո «Կրասնոդարը» 43 միավորով գլխավորում է մրցաշարային աղյուսակն ու հաջորդ տուրում կմրցի «Ռուբինի» հետ։ «Ռոստովը» 21 միավորով 11-րդն է։