Ռեալի երկրպագուները շատ են սիրում այս դիմակայությունը․ Արբելոան՝ Մանչեսթեր Սիթիի հետ սպասվող հանդիպումների մասին

Մադրիդի «Ռեալի» գլխավոր մարզիչ Ալվարո Արբելոան մեկնաբանել է Չեմպիոնների լիգայի 1/8 եզրափակչի վիճակահանության արդյունքները, որտեղ «արքայական» ակումբը կմրցի «Մանչեսթեր Սիթիի» հետ։

«Դրանք կլինեն տպավորիչ հանդիպումներ՝ երկու մեծագույն ակումբների միջև։ «Ռեալի» երկրպագուները շատ են սիրում այս դիմակայությունը՝ մրցակցի բարձր մակարդակի պատճառով։ Երբ ժամանակը գա, մենք կպատրաստվենք առավելագույնս», — Արբելոայի խոսքերն է մեջբերում AS-ը։

«Ռեալ Մադրիդ»-«Մանչեսթեր Սիթի» դիմակայության առաջին հանդիպումը կկայանա մարտի 12-ին, պատասխան խաղը՝ մարտի 18-ին։

Նշենք, որ այս դիմակայության հաղթողը մրցաշարի քառորդ եզրափակիչում կմրցի «Ատալանտա»-«Բավարիա» զույգի հաղթողի հետ։ 

Չեմպիոններ լիգայի եզրափակիչը կկայանա մայիսի 30-ին՝ Բուդապեշտի «Պուշկաշ Արենա» մարզադաշտում։