Ռեալը սենսացիոն պարտություն է կրել Խետաֆեից, Բարսելոնան չորս միավորով գերազանցում է մադրիդցիներին

Իսպանիայի Լա Լիգայի 26-րդ տուրում Մադրիդի «Ռեալը» «Սանտիագո Բեռնաբեու» մարզադաշտում և ընդունել է «Խետաֆեիին» և նվազագույն հաշվով անակնկալ պարտություն կրել:

39-րդ րոպեին Մարտին Սատրիանոն խփել է խաղի միակ գոլը։ 90+5 րոպեին «սերուցքայինների» կազմում Ֆրանկո Մաստանիունոն կարմիր քարտ է ստացել և հեռացվել խաղադաշտից։ 90+7 րոպեին հյուրերի կազմում Ադրիան Լիսոն ևս հեռացվել է խաղադաշտից երկու դեղին քարտերից հետո։

Այս խաղից հետո «Ռեալը» Իսպանիայի առաջնության մրցաշարային աղյուսակում զբաղեցնում է երկրորդ տեղը՝ 60 միավորով։ «Խետաֆեն» 32 միավորով 11-րդ տեղում է։ Առաջատարը կատալոնական «Բարսելոնան» է՝ իր ակտիվում ունենալով 64 միավոր:

Հաջորդ տուրում «Ռեալը» մարտի 6-ին մրցելու է «Սելտա Վիգոյի» հետ, իսկ «Խետաֆեն» մարտի 8-ին ընդունելու է «Բետիսին»։