RAF. Ծառուկյան–Փուլաս ռևանշ-գոտեմարտը չեղարկվել է, բայց…

Real American Freestyle (RAF) փրոմոուշենի համահիմնադիրներ Չադ Բրոնշտեյնը և Իզի Մարտինեսը հայտնել են, որ UFC-ի մարտիկ Արման Ծառուկյանի և ամերիկացի Ջորջիո Պուլասի միջև գրեփլինգի ռևանշ մենամարտը Hype փրոմոուշենի շրջանակում չի անցկացվի:

Բրոնշտեյնը հայտարարել էր, որ ռևանշը կկայանա այն լիգայում, որը կազմակերպել էր առաջին գոտեմարտը:

«RAF 06-ը նվիրեց այս տարվա մարտարվեստների ամենավառ պահերից մեկը: Հիմա բոլորը ռևանշ են ցանկանում: Սակայն որոշ բաներ պետք է մնան այնտեղ, որտեղ սկիզբ են առել: Եվ դա RAF-ի արենան է»,- Բրոնշտեյնի խոսքերն է մեջբերում փրոմոուշենի մամուլի ծառայությունը սոցիալական ցանցերում:

«Հաշվի առնելով այն լարվածությունը, որը տեսանք առաջին մենամարտում, Արմանի և Ջորջիոյի միջև ռևանշն անխուսափելի էր: Նրանք անավարտ գործեր ունեն, և չկա ավելի լավ վայր դրանց վերջակետ դնելու համար, քան Real American Freestyle-ի գորգը»,- ասել է Մարտինեսը:

Հիշեցնենք, որ մարտի 1-ին ԱՄՆ-ում կայացած ազատ ոճի ըմբշամարտի RAF 06  մրցաշարում Արման Ծառուկյանը 5:3 հաշվով հաղթել էր ամերիկացի Ջորջո Պուլասին։ Գոտեմարտի ավարտից հետո Ծառուկյանը հարվածել էր մրցակցին,  որից հետո ծեծկռտուք էր սկսվել երկու կողմերի ներայացուցիչների միջև։