Նա ցանկանում էր 3, 4, 5, 6 գոլ խփել յուրաքանչյուր խաղում․ Բեյլը՝ Ռոնալդուի մասին

«Ռեալի» նախկին վինգեր Գարեթ Բեյլը խոսել է Կրիշտիանու Ռոնալդուի՝ ռեկորդներ գրանցելու ցանկության մասին։

«Մի քանի անգամ նա ձեռքերն էր թափահարում ու ափսոսանք հայտնում, երբ ես չէի իրացնում այն պահերը, երբ մեն-մենակ էի մնում դարպասապահի հետ և կարող էի փոխանցում կատարել նրան, բայց... Կարծում եմ՝ դա նաև խոսում է նրա ձգտման և մոտիվացիայի մասին։ Նա ցանկանում է խաղի ընթացքում խփել ոչ թե մեկ, այլ երեք, չորս, հինգ, վեց գոլ, եթե կարողանա։ Ինչպես գիտեք, նա ձգտում է ռեկորդների, նա ուզում է գոլեր խփել, ուզում է այդ հարցում գերազանցել Մեսսիին։

Կարծում եմ՝ անհնար է վիճել այն փաստի հետ, որ նա գոլեր է խփում... Նույնիսկ, երբ նա վերադարձավ «Մանչեսթեր Յունայթեդ», և մարդիկ ասում էին՝ «նա արդեն այն չէ»։ Բայց նա միևնույն է գոլեր էր խփում, իսկ դա, ի վերջո, ամենադժվարն է ֆուտբոլում», – ասել է Բեյլը։