Նոան իրադարձություններով լի խաղում հաղթեց Փյունիկին (տեսանյութ)

Հայաստանի գավաթի խաղարկության քառորդ եզրափակիչի առաջին խաղում «Փյունիկն» ընդունել էր «Նոային» ու զիջեց 1։2 հաշվով։

Հանդիպման հաշիվը 49-րդ րոպեին բացեց «Նոայի» նորեկ Վալենտին Կոստակեն։ Րոպեներ անց «Փյունիկի» նորեկ Մոմո Յանսանեն վաստակեց 11-մետրանոց, որը դիպուկ իրացրեց Խավիեր Մորենոն՝ վերականգնելով հաշվի հավասարությունը։

«Նոայի» հաղթական գոլը հեղինակեց Հովհաննես Համբարձումյանը՝ 67-րդ րոպեին, իսկ հիմնական ժամանակին ավելացրած 4-րդ րոպեին հանդիպման գլխավոր մրցավար Հենրիկ Նալբանդյանն ուղիղ կարմիր քարտով հեռացրեց «փյունիկցի» Էրիկ Օկանսեին։

«Փյունիկի» համար սա 2026 թվականի 1-ին պաշտոնական հանդիպումն էր։

Հիշեցնենք, որ Հայաստանի գավաթի խաղարկության քառորդ եզրափակիչի մյուս խաղերում «Սյունիքն» ու «Անդրանիկը» հաշտություն էին կնքել, «Ուրարտուն» 3 անպատասխան գնդակ էր ուղարկել «Արարատի» դարպասը, իսկ «Արարատ-Արմենիան» նվազագույն հաշվով հաղթել էր «Շիրակին»։