Դատախազությունը պահանջում է 10.5 տարվա ազատազրկում Իսպանիայի հավաքականի նախկին հարձակվողի համար
Իսպանիայի հավաքականի նախկին ու «Էլչեի» ներկայիս հարձակվող Ռաֆա Միրի շուրջ սկանդալը նոր թափ է հավաքել: Դատախազությունը բռնաբարության գործով 10.5 տարվա ազատազրկում է պահանջել, lasprovincias.es-ը:
Խոսքը 2024 թվականի սեպտեմբերի 1-ին Բետերայի Տորե-էն-Կոնիլ շրջանում գտնվող ֆուտբոլիստի տանը 21-ամյա կնոջ նկատմամբ ենթադրյալ սեռական բռնության մասին է։
Դատախազության պահանջը՝
9 տարի՝ ծանրացուցիչ հանգամանքներով սեռական բռնության համար (ենթադրվում է, որ նա առանց համաձայնության երկու առանձին դեպքերով սեռական գործողություններ է կատարել:
18 ամիս՝ մարմնական վնասվածքներ հասցնելու համար։ Բացի բանտարկությունից, ըստ դատախազության միջնորդության, ֆուտբոլիստին 13 տարի ժամկետով կարգելվի շփվել տուժողին և մոտենալ 500 մետրից ավելի։ Պահանջվում է նաև 7 տարի պայմանական ազատազրկում և 8 տարի ժամկետով արգելք՝ իրականացնելու որևէ գործունեություն (վճարովի կամ անվճար), որը կապված է անչափահասների հետ շփմանը։
Որպես փոխհատուցում տուժած կնոջը, ում նկատմամբ բռնություն է կիրառվել լողավազանում և լոգարանում, դատախազությունը պահանջում է վճարել 64,000 եվրո՝ պատճառված վնասվածքների և բարոյական վնասի համար։ Նշվում է, որ բացի աջ ձեռքի կապտուկից, երիտասարդ կինը տառապում է «տագնապային-դեպրեսիվ տրամադրության խանգարմամբ»։
