Մարսելոն առանձնացրել է իր կարիերայի լավագույն և վատագույն Էլ Կլասիկոները

Մադրիդի «Ռեալի» նախկին պաշտպան Մարսելոն պատասխանել է իր կարիերայի լավագույն «Կլասիկոյի» մասին հարցին։

«Ես կառանձնացնեի երկու դրվագ։ Առաջինը՝ 2011 թվականին Չեմպիոնների լիգայի պատասխան կիսաեզրափակչում «Կամպ Նոուում» խփածս գոլը։ Դա մի փոքր դառն ու քաղցր հիշողություն է, քանի որ մեզ չհաջողվեց հաղթել դիմակայությունում։

Երկրորդը տեղի ունեցավ նույն մրցաշրջանում՝ Իսպանիայի Գավաթի եզրափակչում, որտեղ մենք հաղթեցինք Լրացուցիչ ժամանակում Կրիշտիանու Ռոնալդուի խփած գոլի շնորհիվ։ Պեպ Գվարդիոլայի դարաշրջանում, երբ «Բարսելոնան» գերիշխում էր, այդ Գավաթը նվաճելը թեթևացում էր և մեծ հպարտության առիթ հանդերձարանում»,- ասել է Մարսելոն։

Բրազիլացին խոսել է նաև «Բարսելոնայի» դեմ ամենաբարդ հանդիպման մասին․

«2010/11 մրցաշրջանում «Կամպ Նոուում» կրած 0:5 հաշվով պարտությունը։ «Բարսելոնան» մեզ իսկական ֆուտբոլային դաս տվեց։ Չնայած մենք վատ չէինք սկսել, գոլերը շարունակում էին գալ, և անօգնականության զգացումն ուղղակի աճում էր։

Դա ծանր «Կլասիկո» էր, որովհետև մենք այդպես էլ խաղի մեջ վերադառնալու իրական հնարավորություն չունեցանք։ Երբ հաշիվը 0:4 էր և մնացել էր 10 րոպե, մենք բոլորս արդեն ուզում էինք գնալ հանդերձարան, որովհետև ոչինչ հետ բերել հնարավոր չէր»,- հավելել է Մարսելոն։