Սա տարվա իմ առաջին գոլն էր, բայց ոչ վերջինը․ Մոմո Տուրեն՝ Արարատ-Արմենիայի դեմ խաղից հետո

Fastex Պրեմիեր լիգայի 17-րդ տուրի «Ալաշկերտ»-«Արարատ-Արմենիա» (1։0) հանդիպումից հետո հանդիպման միակ գոլի հեղինակ Մոմո Տուրեն կիսվել է տպավորություններով․

«Մենք գիտեինք, որ սա շատ, շատ դժվար խաղ է լինելու, բայց պատրաստ էինք այս խաղին։ Դրա համար ենք մենք «Ալաշկերտում»։ Եթե խաղում ես «Ալաշկերտում», պետք է պատրաստ լինես նման խաղերի։ Մենք պատրաստ էինք և կատարեցինք մեր գործը։ Վերցրեցինք երեք միավորը։ Հիմա պատրաստ ենք հաջորդ խաղին։ Կարծում եմ՝ սա այս տարվա առաջին գոլն է, բայց ոչ վերջինը։ Ես շարունակելու եմ գոլեր խփել և օգնել թիմին հասնել իր նպատակներին»,-նշել է Տուրեն։

24-ամյա հարձակվողն ընթացիկ ՀՊԼ-ի մրցաշրջանում մասնակցել է 15 հանդիպման՝ դառնալով 7 գոլի ու 1 գոլային փոխանցման հեղինակ։