Լապորտա. Ամոթալի չէ՞, որ Ռեալի նախկին տնօրեններն ու խաղացողները 72 տարի գլխավորել են CTA-ն

«Բարսելոնայի» նախագահի թեկնածու Ժոան Լապորտան պատասխանել է լրագրողին, որը  «Նեգրեյրայի գործն» ամոթալի է անվանել:

«Իսկ դուք ամոթալի չե՞ք համարում, որ 72 տարի շարունակ մրցավարների տեխնիկական կոմիտեն գլխավորել են «Ռեալի» նախկին անդամները, նախկին տնօրենները կամ նախկին խաղացողները։ Դա ձեզ ամոթալի չի՞ թվում։ Դուք համարում եք, որ դա լիովին նորմալ է։ Ի՞նչ եք ուզում ասել. այն, ինչ անում է «Բարսան», ամոթալի է, իսկ այն, ինչ անում է «Մադրիդը»՝ ո՞չ։

Այն, ինչ արել է «Բարսան», բացարձակապես օրինական է։ Վճարումները կատարվել են մի ընկերության, որն արդեն գոյություն ուներ, երբ մենք եկանք ակումբ 2003 թվականին։ Մեզ ասացին, որ այն պատկանում էր Նեգրեյրայի որդուն, ով նույն աշխատանքն էր կատարում «Ատլետիկոյի» և այլ թիմերի համար։ «Ռեալն» ունի Մեխիա Դավիլային, իսկ նրա կինը նույնպես կապված է Մրցավարների տեխնիկական կոմիտեի հետ։ Մեզ մեղավոր են համարում դեռ նախքան դատավճռի կայացումը, — ասել է Լապորտան El Partidazo de COPE-ի եթերում։