Ակտոբեի ֆուտբոլիստի ծնոտը կոտրել են մասսայական ծեծկռտուքի ժամանակ (տեսանյութ)

«Օրդաբասիի» և «Ակտոբեի» երիտասարդական թիմերի ֆուտբոլիստները մասսայական ծեծկռտուք են սարքել ընկերական խաղի ժամանակ:

Երկրորդ խաղակեսի սկզբում երկու ֆուտբոլիստներ միջև բախում է տեղի ունեցել, որը վերածվել է մասսայական վիճաբանության:

«Ցավոք, մեր երկու երիտասարդ խաղացողներ տեղափոխվել են հիվանդանոց: Նրանցից մեկի մոտ ախտորոշվել է ծնոտի կոտրվածք, նա պետք է վիրահատվի: Մյուսի մոտ ախտորոշվել է շրթունքի և կզակի վնասվածք»,- հայտնել են «Ակտոբեի» մամուլի ծառայությունից:

Ղազախական ակումբում հայտարարել են, որ չեն ընդունում բռնությունը սպորտում և ակնկալում են միջադեպի մանրակրկիտ հետաքննություն, ինչպես նաև խոստացել են տուժածներին ցուցաբերել անհրաժեշտ օգնությունը բուժման և վերականգնման հարցում: