Զվերև. Այսօր IQ-ն կարևոր չէ, հաղթում են լավ հարված ունեցողները
Աշխարհի չորրորդ ռակետ Ալեքսանդր Զվերևը պատասխանել է հարցին, թե իր մրցակիցներից ովքեր ունեն բարձր թենիսային ինտելեկտ (IQ):
- Մարդիկ հաճախ են օգտագործում «թենիսային IQ» տերմինը, բայց այն հստակ սահմանում չունի: Ըստ ձեզ՝ ի՞նչ է դա նշանակում: Ո՞ր հատկանիշներն են այն բնորոշում, և ո՞ր խաղացողներն ունեն ամենաբարձր թենիսային IQ-ն:
- Ես այս հարցում մի փոքր այլ կարծիք ունեմ: Հաճախ հաղթում են այն թենիսիստները, ովքեր պարզապես ունեն լավագույն հարվածները: Հատկապես հիմա՝ թենիսը դարձել է շատ ուժեղների մարզաձև: Հաղթում են նրանք, ովքեր ունեն լավագույն ֆորհենդը, լավագույն բեքհենդը, լավագույն մատուցումն ու լավագույն ընդունումը:
Ինձ թվում է՝ նրանք, ովքեր հիմա ամենից շատն են հաղթում՝ Կառլոս Ալկարասն ու Յանիկ Սիները, դա անում են ոչ թե այն պատճառով, որ խաղում են հսկայական քանակությամբ տակտիկական մտահղացումներով: Պարզապես նրանց հարվածներն ավելի լավն են, քան մյուսներինը:
Ուստի, կարծում եմ, 10 տարի առաջ մարտավարությունը և, ինչպես դուք ասացիք, «թենիսային IQ»-ն ավելի կարևոր էին, քան հիմա: Այսօր դա մի փոքր կորցրել է իր նշանակությունը: Ընդհանուր առմամբ հաղթում է նա, ով ամենալավն է հարվածում գնդակին»,- ասել է Զվերևն Ինդիան Ուելսում կայացած մամուլի ասուլիսի ժամանակ:
