Մ23 ԵԱ․ Մուսիկյանը գոտեմարտի ավարտից 3 վայրկյան առաջ կորցրեց առավելությունը՝ զիջելով բրոնզե մեդալը

Սերբական Զրենյանին քաղաքում ընթացնում է ազատ ոճի ըմբշամարտի Մ23 տարեկանների Եվրոպայի առաջնությունը։

65 կգ քաշային կարգում Հայաստանի ներկայացուցիչ Արման Մուսիկյանը բրոնզե մեդալի համար պայքարում 4։6 հաշվով զիջեց ադրբեջանցի Մուսա Աղաևին։

Գոտեմարտի ավարտից 3 վայրկյան առաջ հաշիվը 4։4 էր։ Նման ավարտի դեպքում հաղթանակը կշնորհվեր հայ ըմբիշին, սակայն Աղաևը կարողացավ մնացյալ վայրկյանների ընթացքում գորգի սահմաններից դուրս հանել Մուսիկյանին՝ վաստակելով 1 միավոր։ Հայ ըմբիշի մարտավկաները չելենջի դիմեցին, որում մրցավարները վերահաստատեցին իրենց որոշումը՝ շնորհելով ևս 1 միավոր ադրբեջանցի մարզիկին։

Ավելի վաղ, Մուսիկյանը մեկնարկում տուշեով հաղթանակի էր հասել հունգարացի Զոլտան Միժեիի նկատմամբ: Քառորդ եզրափակչում Արմանը ժամանակից շուտ առավելության էր հասել շվեյցարացի Սանդրո Հունգերբյուլերի նկատմամբ, իսկ կիսաեզրափակիչում 6։9 հաշվով զիջել էր Բելառուսի ներկայացուցիչ Մագոմեդխան Մագամեդխանովին։

Րոպեներ առաջ այս առաջնությում Հայաստանի համար 1-ին մեդալը նվաճեց 57 կգ քաշային Արման Հարությունյանը։

Այսօր պայքարի մեջ են մտել 5 հայ ըմբիշ։ Լևիկ Միքայելյանը դուրս է եկել եզրափակիչ ու վաղը կպայքարի ոսկե մեդալի համար։ Եվս 2 ներկայացուցիչ կունենանք բրոնզե մեդալի համար պայքարում։ Բոլոր արդյունքներին ծանոթացեք այստեղ։