Ընդամենը մեկական բրեյք. Սիներ-Ֆոնսեկա հանդիպումը թրիլերային ստացվեց

Ինդիան Ուելսում ընթացող տարվա առաջին «Մասթերս-1000» կարգի մրցաշարում Յանիկ Սիները մեծ դժվարությամբ հաղթել է Ժոաո Ֆոնսեկային:

Առաջին սեթում թենիսիստները հիանալի են խաղացել սեփական մատուցման ժամանակ. խաղարկվել է ընդամենը երեք բրեյք փոինթ, որոնք չեզոքացվել են: Հաղթողը որոշվել է թայ-բրեյքում, որտեղ աշխարհի երկրորդ ռակետն առավելության է հասել 8:6 հաշվով:

Երկրորդ սեթում նույն համառ պայքարը շարունակվել է: Թենիսիստները կարողացել են մեկական բրեյք կատարել, սակայն կրկին հաղթողը որոշվել է թայ-բրեյքում: Իտալացին նորից ուժեղ է եղել բրազիլացուց՝ 7:4 հաշվով: Վերջնական հաշիվն է՝ 7:6(6), 7:6(4):

Սիներն առաջին անգամ էր խաղում 19-ամյա Ֆոնսեկայի հետ, որը համարվում է նոր սերնդի գլխավոր տաղանդներից մեկը:

Քառորդ եզրափակիչում Յանիկը կմրցի ամերիկացի Լերներ Տիենի հետ, որը 1/8 եզրափակիչում հաղթել է Ալեխանդրո Դավիդովիչ-Ֆոկինային (4:6, 6:1, 7:6):